çevirmən

çevirmə

şil silver stayn

بؤلوم : dunya adabiyat.hikayə


ال آچيق آغاج / شيل سيلور استاين 
(بو اثر اصلي متندن چئويريليب .ديلينده ده چاليشيلب اولدوغو قدر گونئي ديلينه ياخين اولسون)
مهديه شامي زاده دن يارديم لاري اوچون منت دارلغيميدا بيلديرمه لييم 
چئويرمن : رامين عباسزاده 


كئچميشلرده بير آغاج واريدي 
اونون بير بالاجا اوغلانلا سئوگيسي واريدي 
او اوغلان هر گون گليب يارپاغلاريني توپلاييردي 
اونلاردان تاج جورله ييب ،اوزونو مئشه كرالي سانيردي
او سئويردي آغاجين گووده سينه ديرماشسين 
بوداغلاريندان آسلانيب ، كوف گئدسين
گيزلن-پانچ اويناييرديلار 
يورولاندا كولگه سينده يوخلاييردي
اوغلان آغاجي سئويب ، چوخ عزيزله ييردي
آغاجدا سئوينيردي......

آمما زامان كئچمكده ايدير
اوغلان بويويوردو
داها چوخ زامانلار آغاج تك ايدي
يئنه بير گون اوغلان گلدي آغاجين يانينا
آغاج دئدي: گل اوغلان ، گل گووده مه ديرماش 
بوداغلاريملا كوف گئت 
آلملاريمدان يئه ، كولگه مده اوينا
و سئوين
اوغلان دئدي : "آغاجا ديرماشماق داها منه ياراشماز ،من بويوموشم
ايلنمك اوچون بير شئي لر آلماق ايسته ييرم
سن منه بير آز پول وئره بيلرسن؟"
"باغيشلا "آغاج دئدي
منيم پولوم يوخدي
منيم تكجه يارپاقلا ، آلما واريم
آلمالاريمي در، آپاريب شهرده سات 
بئله سي پولون اولار و سئوينرسن
اوغلان آغاجين گووده سينه ديرماشيب ، يوخاري گئتدي
آلمالاري دردي،ييغيب آپاردي 
و آغاج سئوينيردي.......

آمما اوزون زامانلار اوغلان قاييتمادي
و آغاج اوزگونودي
گونلرين بيرينده
اوغلان قاييتدي
آغاج سئويندييندن يئريندن اولوب - دئدي:
گل اوغلان گووده مه ديرماش 
بوداغلاريملا كوف گئت و سئوين 
"باشيم قاتيشيغدي ، آغاجدان ديرماشماق اوچون"
اوغلان دئدي
او دئدي:"من سيجاق بير ائو ايسته ييرم 
ايسته ييرم آرواد-اوشاغيم اولسون
پس منه بير ائو گره ك دي"
منيم ائويم يوخ، آغاج دئدي
منيم ائويم مئشه دير 
ولي سن ائلييه بيلرسن بوداقلاريمي كسيب
اوزونه ائو تيكيب و سئوينسن 
اوغلان بوداغلاري كسيب ، اونلاري آپاردي اوزونه ائو تيكسين 
آغاج سئوينيردي.............

آمما اوزون زامان اوغلان گلمه دي
و قاييداندا
آغاج ائله سئوينديكي دانيشاندا ديلي توتولوردو
گل اوغلان، ياواشجا دئدي
گل اوينا
" اويناماق اوچون چوخ قوجالميشام"
اوغلان دئدي
"ايسته ييرم بورادان اوزاق بير يئره گئدم 
منه بير قاييق گره كدي
سن منه قاييق وئره بيلرسن؟"
منيم گووده مي كس،پارچالا 
قاييق جورله ، آغاج دئدي 
اوندا ائلييه بولرسن بوردان گئديب و سئوينسن
اوغلان آغاجي كسيب ، پارچالاييب 
قاييق جورله ييب اورادان اوزاقلاشدي .
آغاج سئوينيردي آمما اوره كدن يوخ............

نئچه واختدان سونرا اوغلان يئنه قاييتدي
باغيشلا مني اوغلان ، آغاج دئدي
داها بير شئييم يوخدي سنه وئرمك اوچون
آلمالاريم گئتدي
" منيم ديشيم ايشدن دوشوب ، آلما يئمك اوچون"
اوغلان دئدي
بوداقلاريم گئتدي ائلييه بيلمزسن كوف گئده سن 
"من چوخ قوجالميشام ، بوداغدان آسلانيب كوف گئتمك اوچون"
اوغلان دئدي
- گووده م گئتدي بيرده ديرماشا بيلمزسن
"من آغاجا چيخماق اوچون چوخ يورغونام "
اوغلان دئدي
مني باغيشلا، حسرتله آغاج دئدي 
كاش ائلييه بيلرديم سنه بير شئي وئرم
آمما هئچ بير شئييم يوخوم
من فقط بير قوجا كوتويم . متاسفم...
"چوخ بير شئي منه گره دئييل"اوغلا ن دئدي
"يالنيز بير ساكت يئر ايسته ييرم اوتوروب دينجه لم 
من چوخ يورغونام"
چوخ ياخجي ،آغاج دئدي
اليندن گلدييي قدر اوزونو يوخاري چكدي 
ياخجي، بير قوجا كوتوك اوتوروب دينجلمك اوچوندي
گل اوغلان ، ايلش
اوتوروب دينجل 
اوغلاندا او ايشي گوردو
و آغاج سئوينيردي ................


یازار : ramin 1391/4/17 | باخیش لار (1)

آنا یارپاق

آرشیو

ایلگی

آختاریش

بؤلوم لر

şer (1)

dunya adabiyat.hikayə (1)

dunya adabiyati-şer (1)

یولداش لار

گونش يولچوسو

دوكتــــور جـئــــــري

آيدين قوجا aydin qoca

تَبريزدَن گؤرۆنتۆلر

işıqlara doğru qaranlığlardan keç

ائل نيسگيلي- EL NİSGİLİ

خوي هاراي: شعر و داستان تركي

خوي هاراي: شعر و داستان تركي

خوي هاراي: شعر و داستان تركي

هر سحر گون چيخا چيق دا يئني ده ن بيز دوغولاق

ماكولو هاراي - تاريخ تركان

ايران ترك: نام آوران جهان ترك

ayhan

كولتور - ديل - ادبيات

دده قورقود-DƏDƏ QORQUD

سون یازیلار

leyla kurdbəççə -şer-çevirmə

şer.ramin abbaszadə

şil silver stayn

آرشيو

آبان 1391

تير 1391

باغلانتی لار

ilk veblogim

facebook daki chevirman gurupu

facbook da ki səfhəm

سایغاج

ایندی بلاق دا :
بو گونون گؤروشو :
دونه نین گؤروشو :
بو آیین گؤروشو :
بوتون گؤروش لر :
یازی لار :
باخیش لار :
یئنیله مه چاغی :

ایمکان لار

RSS 2.0